[b]Zënkë në mes Adebayor dhe Bendtner[/b]

[b]Zënkë në mes Adebayor dhe Bendtner[/b]
Në ndeshje e djeshme që Arsenal kapitulloi kundër rivalit të Londrës, Tottenham, në gjysmëfinale të Kupës Carling, gjërat shkuan kah më e keqja, pasi që sulmuesit Emmanuel Adebayor dhe Nicklas Bendtner u përplasën në fushën e lojës.

Tottenham shkatërroi Arsenalin në shtëpi të vet duke e mposhtur me rezultat 5-1, derisa topçinjtë gjetën mënyrën e gabuar për të shfaqur zemërimin e tyre. Adebayor dhe Bendtner u vunë në ballë të njëri tjetrit duke këmbyer ca fjalë të ashpra, ndërsa mes tyre u shkëmbyen edhe ca shtyrje dhe goditje.

Gallas intervenoi mes tyre, ndërsa pastaj arriti edhe arbitri, megjithëse nuk ndau asnjë karton. Menaxheri Arsene Wenger ka mohuar se ka njohuri për incidentin. “Nuk di asgjë për të, vërtetë nuk di”, ka thënë francezi.

Kapiteni i Arsenalit, William Gallas është i shqetësuar se gjërat kulmuan me këtë zënkë gjatë humbjes. “Ata e dinë se kanë bërë gabim dhe do të duhet ta shpjegojnë se pse e kanë bërë atë”, ka thënë Gallas. “Nuk e di saktësisht se çfarë ka ndodhur. Mendoj se çdokush është i zhgënjyer me rezultatit. Ishte vështirë për ta pranuar. Ata që të dy janë të rinj dhe nervozë, por duhet të kuptojnë. E humbëm qetësinë”.