Juventus barazon në fushë të Interit

Juventus barazon në fushë të Interit
Juventus ka treguar një përfundim mjaft të mirë duke rikthyer rezultat nga disavatazhi prej 2-0, në barazim 2-2, në ndeshjen e luajtur në San Siro përballë Interit, në kuadër të çerekfinales së Kupës së Italisë.

Megjithëse luante me një lojtar më pak, pas përjashtimit të Nicolas Burdisos pas vetëm tetë minutash lojë, Inter shënoi dy gola në pjesë të dytë përmes Julio Cruz (54’, 74’), por që nuk ishin të mjaftueshme për të arritur fitore. Juventus u përgjigj me dy gola të tjerë në fundin e ndeshjes, përmes Del Piero (79’) dhe Boumsong (85’), për të barazuar kështu në ndeshjen e parë.

Në ndeshjet tjera të vlefshme për Kupën e Italisë, edhe Roma është rikthyer nga disavantazhi prej 1-0 pas golit të Ziegler (62’), për të barazuar shtatë minuta më vonë me anë të Vucinic, në fushë të Sampdorias (rezultati përfundimtar 1-1). Philippe Mexes u përjashtua nga radhët e Romës mjaft herët (18’), për shkak të dy kartonëve të verdhë.

Udinese po ashtu është rikthyer nga disavantazhi prej 2-1, për të fituar në fund ndeshjen me rezultat 3-2 si nikoqir. Lazio dhe Fiorentina ndeshjen nesër.