Trezeguet: Nuk jemi aq të mirë teknikisht

Trezeguet: Nuk jemi aq të mirë teknikisht
Golashënuesi i Juventusit, David Trezeguet, ka lëshuar një sulm ndaj klubit duke thënë se duhet të ndalojnë të ëndërrojnë për trofe, pasi që janë teknikisht jo aq të mirë.

“Ndeshja përballë Interit tregoi se duhet të punojmë shumë. Të ëndërrojmë tituj dhe trofe është padobishme”, ka thënë Trzeguet. “Teknikisht nuk jemi mjaft të mirë për momentin”.

Juventus arriti të barazojë 2-2 në fushë të Interit në ndeshjen e mbrëmshme me golat e Del Piero dhe Boumsong, pas disavantazhit prej 2-0 me dy golat të shënuar nga Julio Cruz. Inter që nga minuta e 8-të ishte me 10 lojtar për shkak të përjashtimit me karton të kuq të Burdisos.