NBA: Garnett kryeson në sondazhin e All Star

NBA: Garnett kryeson në sondazhin e All Star
Koshashënuesi i Boston Celtics, Kevin Garnett, ka kryesuar gjatë sondazhit për ekipin All Star të NBA, duke marrë 2.3 milionë vota, dhe duke qëndruar para LeBron James të Cleveland që do të jetë po ashtu në sulm në ekipin e yjeve të Konferencës Lindore.

Garda e Los Angeles Lakers, Kobe Bryant, i cili ishte lojtari më i ri që u përfshi në ekipin e yjeve të NBA-së në vitin 1998, këtë vit kryesoi në Konferencën Perëndimore, duke marrë po ashtu mbi dy milionë vota. Ai do të ketë në ekip sulmuesin Denver Nuggets, Carmelo Anthony, që do të bëjë paraqitjen e parë në këtë përballje mes yjeve më të mira të dy konferencave.

Qendra kineze e Houston, Yao Ming, është i vetmi lojtar joamerikan që është emërtuar si fillestar për edicionin e 57-të të ndeshjes, që do të luhet në New Orleans më 17 shkurt.

Ekipet fillestare

Konferenca lindore: Kevin Garnett (Boston), LeBron James (Cleveland), Dwight Howard (Orlando), Jason Kidd (New Jersey), Dwyane Wade (Miami).

Konferenca perëndimore: Carmelo Anthony (Denver), Tim Duncan (San Antonio), Yao Ming (Houston), Kobe Bryant (L.A. Lakers), Allen Iverson (Denver).

[b]O Lebron James Bre Osht 1 Nr.1 S'Di qysh koka dal Ne Vend te 2[/b]