Vaart: Dua ta ndihmoj Juventusin ta mposhtë Interin

Vaart: Dua ta ndihmoj Juventusin ta mposhtë Interin
Rafael van der Vaart ka thënë se dëshiron të nënshkruajë me Juventusin sa më shpejtë që është e mundur, në mënyrë që të ndihmojë ekipin të mposhtë liderin e Serie A dhe kampionin aktual, Interin.

Bardhezinjtë kanë qenë të interesuar për shërbimet e holandezit që nga vera e kaluar, ndërsa mediat italiane kanë shkruar së fundi se Juve ka arritur një marrëveshje fillestare për të nënshkruar me lojtarin gjatë verës.

“Jam i nderuar që Juventus është i interesuar në mua”, ka thënë va nder Vaart. “Kjo do të thotë se po luaj mirë me klubin tim. Udhëheqësit e biankonerëve duhet së pari të flasin me klubin tim dhe pastaj me mua, pasi që kjo është mënyra e duhur”.

“Unë shpresoj se gjithçka do të arrihet shumë shpejt, pasi që dua të jem pjesë e Juventusit dhe të ndihmoj të ndjekë dhe mposhtë Interin”, ka shtuar mesfushori i klubit nga Bundesliga, Hamburg.