Henry dërgon Barcelonën në gjysmëfinale

Henry dërgon Barcelonën në gjysmëfinale
Ekipi i Barcelonës është kualifikuar për në gjysmëfinale të Kupës së Mbretit, falë fitores prej 1-0, në ndeshjen që ka zhvilluar ndaj Villarrealit, të cilën e siguroi sulmuesi Thierry Henry.

Francezi shënoi golin e vetëm dhe vendimtar të kualifikimit katër minuta para pauzës mes ndeshjeve (41’), pasi që i gjendur i vetëm, pranoi një top të harkuar nga Deco. Lionel Messi pati një rast ideal të shtojë epërsinë, por dështoi duke humbur një penalti në minutën 76’, të cilën e priti portieri Diego Lopez.

Villarreal nga minuta 43 luajti me një lojtar më pak, pas dy kartonëve të verdhë të Pascal Cygan brenda tre minutash. Ndeshja e parë kishte përfunduar me barazim pa gola

Vend në gjysmëfinale ka siguruar edhe Racing Santander, që barazoi në fushë të Atletic Bilbao, me rezultat 3-3, ndërsa kualifikohet me rezultat të përgjithshëm 5-3, falë fitores në ndeshjen e parë (2-0).

Shorti për ndeshjet gjysmëfinale do të caktohet të premten.