Beckham nuk përfshihet në kombëtaren angleze?

Beckham nuk përfshihet në kombëtaren angleze?
Sky Sports ka bërë të ditur se, David Beckham, do të jetë jashtë skuadrës së Anglisë, gjatë ndeshjes miqësore me Zvicrën, e caktuar të luhet gjatë muajit shkurt, e cila do të jetë edhe sfida e parë e trajnerit të ri të kombëtares angleze, Fabio Capello.

Mesfushorit të Los Angeles Galaxy i është thënë se ai nuk do t’i bashkohet skuadrës për ndeshjen kundër Zvicrës. Capello, i cili pritet së shpejti të bëjë të ditur ekipin, thuhet se ka pasur kontakte telefonike me Beckham, të cilin e ka informuar për vendimin.

Por, siç shkruan Sky, kjo ndodh, jo për përjashtimin e Beckham nga skuadra, por për shkak të mungesës së aktivitetit të mesfushorit i cili për një kohë ka qenë jashtë angazhimit për shkak të pauzës me ekipin e tij.

Sapo të rikthehet në formën e tij, Beckhamit i është premtuar përfshirja në kombëtaren angleze. Ish- lojtari i Manchester United dhe Real Madridit, së fundi është stërvitur me ekipin e Arsenalit, me qëllim që ta ruajë formën e tij. Beckham, deri më tash, ka 99 paraqitje për Anglinë, ndërsa është në pritje të ndeshjes jubilare, asaj të 100-të.

NiTRo