Lazio dhe Catania kualifikohen në gjysmëfinale

Lazio dhe Catania kualifikohen në gjysmëfinale
Lazio ka siguruar pjesëmarrjen në gjysmëfinale të Kupës së Italisë, pasi që u rikthye nga disavantazhi 1-0 për të fituar në fund me rezultat 2-1 në fushë të Fiorentinës.

Lazio kualifikohet për në gjysmëfinale me rezultat të përgjithshëm 4-2, nga të dyja ndeshjet. Aleksander Kolarov (35’) dhe Tommaso Rocchi (61’) ishin golashënuesit e klubit romak, pasi që më herët Franco Semioli kishte çuar vendësit në avantazh (17’). Për Lazion gjatë gjithë ndeshjes luajti Valon Behrami, ndërsa shqiptari tjetër Igli Tare u fut si zëvendësues kur kishin mbetur vetëm disa minuta.

Sulmuesi japonez Takayuki Morimoto ka shënuar një gol në minutat e fundit të ndeshjes (90’) për t’i dhënë fitoren 2-1 Catanias ndaj Udineses, si dhe kualifikimin në gjysmëfinale. Ndeshja e parë kishte përfunduar me rezultat 3-2, kështu që Catania kualifikohet falë më shumë golave të shënuar si mysafir.

Catania në gjysmëfinale do të takohet me Romën, derisa Lazio do të përballet me kampionin dhe liderin e Serie A, Interin, që fitoi në fushë të Juventusit me rezultat 3-2.

NiTRo