Wenger lavdëron Flaminin dhe Adebayorin

Wenger lavdëron Flaminin dhe Adebayorin
Trajneri Arsene Wenger ka lavdëruar dy lojtarët kyç të Arsenalit, Flamini dhe Adebayor, për fitoren e mbrëmshme prej 3-0 në shtëpi ndaj Newcastle United, që ishte fitorja e dytë me radhë ndaj këtij ekipi me po të njëjtin rezultat dhe atë brenda vetëm katër ditësh.

Mesfushori francez Mathieu Flamini ishte lojtari i ndeshjes, duke asistuar për Adebayor (40’) në golin e parë dhe duke shënuar të dytin (72’). Goli i tretë u shënua nga Fabregas (80’).

“Ai po bëhet më i mirë nga ndeshja në ndeshje. Shënoi një gol të bukur, por më pëlqeu edhe asistimi i tij për Adebayor. Kemi disa lojtarë të cilët po ngriten dhe ai është një prej tyre”, ka thënë Wenger rreth Flaminit, i cili është në bisedime për vazhdimin e kontratës, pasi që kontrata aktuale skadon në fund të sezonit.

Wenger ka lavdëruar edhe sulmuesin Emmanuel Adebayor, të cilin e ka quajtur “sulmues të ëndrrave”. “Ai ka shumë vlera për një sulmues, është i lëvizshëm, i gjatë dhe ka këmbë të shpejtë”, ka shtuar Wenger.

NiTRo