Kupa e Afrikës: Gana dhe Bregu i Fildishtë në gjysmëfinale

Kupa e Afrikës: Gana dhe Bregu i Fildishtë në gjysmëfinale
Bregu i Fildishtë i është bashkuar nikoqirit të turneut, Ganës, në gjysmëfinale të Kupës së Kombeve të Afrikës, pasi që shkatërroi Guinenë duke e mposhtur me rezultat 5-0.

Gana është rikthyer nga disavantazhi 1-0 pas golit të Yakubu nga penaltia (35’), për të fituar në fund ndeshjen me rezultat 2-1, falë golave të Essien (45’) dhe Agogo (83’).

Bregu i Fildishtë ka shkatërruar Guinenë me rezultat 5-0. Pjesa e parë mbaroi 1-0 me golin e vetëm të Keita (25’), ndërsa në fund të pjesës së dytë lojtarët e Bregut shpërthyen edhe me katër gola të tjerë, me anë të Drogba (70’), Kalou (73’ dhe 81’) si dhe Kone (87’).

Në gjysmëfinalen e ditës së enjte, Bregu i Fildishtë do të takohet ose me kampionin aktual, Egjiptin, ose me Angolën, të cilët do të luajnë nesër. Gana, do të takohet me fituesin që do të dalë nga ndeshja tjetër e nesërme mes Tunizisë dhe Kamerunit.