Keane: Nuk do të largohem nga kombëtarja

Keane: Nuk do të largohem nga kombëtarja
Robbie Keane ka deklaruar se ende nuk ka për qëllim të largohet nga futbolli ndërkombëtar, pasi që një numër i madh i yjeve të futbollit irlandez kanë thënë se do të aktivizohen me këtë kombëtare.

Sulmuesi i Tottenham është i ngazëllyer rreth mundësisë që të luajë nën urdhrat e trajnerit të ri, dhe nuk do të ndjekë hapat e bashkëlojtarëve të tij si Steve Finnan dhe Andy O’Brien.

“Njerëzit kanë opinionet e tyre dhe duhet t’i pyesni. Nëse do të largohen kanë arsyet e veta. Andaj edhe nuk mund t’i komentoj ata. Mund vetëm të komentoj situatën time. Dhe nuk ka gjasa që të largohem nga futbolli”, ka thënë Keane.

Trajneri i ri i kombëtares së Irlandës pritet të emërohet së shpejti pas një kohe të gjatë kërkimi të pasuesit të Steve Staunton.