Donadoni do të vazhdojë kontratën me Italinë

Donadoni do të vazhdojë kontratën me Italinë
Presidenti i Federatës Italiane të Futbollit, Giancarlo Abete, ka zbuluar se trajneri aktual i kombëtares së Italisë, Roberto Donadoni, mund ta vazhdojë kontratën e tij para fillimit të Euro 2008.

Duket se është koha e duhur që trajneri italian, Roberto Donadoni të rinovojë kontratën me FIF-ën, siç ka bërë të ditur presidenti i kësaj federate, Giancarlo Abete.

“Ne do të bisedojmë rreth kontratës së Donadonit gjatë ditëve të ardhshme. Synimi është që të arrijmë marrëveshje para fundit të shkurtit, ashtu siç kemi thënë më herët. Federata ka besim të plotë në trajnerin dhe dëshirojmë t’i bëjmë ofertë të re. Gjëja më e rëndësishme është të hyjmë në kampionatin evropian me gjithçka të sqaruar”, ka thënë Abete.

Italia bën pjesë në të ashtuquajturin “grupi i vdekjes” në Euro 2008, së bashku me Holandën, Rumaninë dh Francën.