Juventus do të kryesonte po të mos ishin gabimet e arbitrave

Juventus do të kryesonte po të mos ishin gabimet e arbitrave
Një shkrim në të përditshmen sportive italiane Gazzetta dello Sport, thotë se Juventus do të ishte në krye të tabelës së Serie A, po të mos kishin qenë gabimet e arbitrave.

Ky shkrim i fundit nxjerr edhe një herë në pah se Inter vazhdimisht është favorizuar nga referat, derisa kampioni i Italisë ka shpallur heshtje në shtyp, si proteste ndaj kritikave nga mediat.

Debati është zgjeruar së fundi, sidomos pas fitoreve të dyshimta ndaj Parmës dhe Empolit, që sollën Interin si fitues në bazë të vendimeve kontroverse për penalti. Juventus dhe Milan, që të dy janë ankuar këtë sezon se janë viktima të zyrtarëve.

Gazzetta dello Sport ka vendosur të krijojë një tabelë se ku do të qëndronin ekipet, po të mos kishin qenë gabimet e gjyqtarëve. Nga kjo tabelë duket se Inter ka përfituar tetë pikë më shumë se sa që është dashur, ndërsa Juventus do të ishte në krye të tabelës, pasi që do të kishte edhe shtatë pikë më shumë. Në përgjithësi kjo diferencë e pikëve do të ishte 15, që do të nxjerrte bardhezinjtë tre pikë mbi zikaltrit.

Sipas kësaj gazete, Milani është ekipi më i dëmtuar dhe i janë humbur tetë pikë nga gabimet e tilla. Me edhe një ndeshje më pak, nga ky aspekt rosonerët do të ishin katër pikë nën kreun e tabelës, pavarësisht se sipas shumicës kanë pasur startin më të keq në dy dekadat e fundit.

Më poshtë ju sjellim tabelën me ekipet e Serie A dhe pikët që do të kishin po të ishin korrekte vendimet e gjyqtarëve, ndërsa shifra e vendosur në kllapa paraqet pikët aktuale të secilit ekip.

Juventus 48 pikë (41)
Inter 45 pikë (53)
Roma 45 pikë (45)
Milan 41 pikë (33)
Fiorentina 36 pikë (37)
Atalanta 33 pikë (29)
Palermo 28 pikë (28)
Sampdoria 28 pikë (28)
Udinese 28 pikë (33)
Napoli 27 pikë (27)
Genoa 26 pikë (28)
Reggina 25 pikë (18)
Lazio 24 pikë (23)
Livorno 23 pikë (21)
Catania 21 pikë (23)
Siena 21 pikë (20)
Parma 19 pikë (19)
Torino 18 pikë (21)
Cagliari 16 pikë (14)
Empoli 15 pikë (16)