Edhe Kameruni dhe Egjipti në gjysmëfinale të Kupës së Afrikës

Edhe Kameruni dhe Egjipti në gjysmëfinale të Kupës së Afrikës
Stephane Mbia ka shënuar dy herë për Kamerunin që mposhti Tunizinë me rezultat 3-2 në pjesën shtesë të ndeshjes, në çerekfinale të Kupës së Afrikës, derisa fitore ka shënuar edhe Egjipti, me rezultat 2-1 ndaj Angolës.

Kameruni kaloi në avantazh prej dy golave përmes Mbia (19’) dhe Geremi (28’), para se Chaouki Ben Saada të ngushtojë rezultatin dhe të sjellë në lojë Tunizinë. Yacini Chikhaoui me golin e shënuar 10 minuta para fundit të pjesës së parë (81’), dërgoi ndeshjen në vazhdime, ndërsa golashënuesi i parë Mbia, sërish gjeti rrjetën për të dërguar Kamerunin në gjysmëfinale.

Në gjysmëfinale është kualifikuar edhe Egjipti, pasi që mposhti Angolën me rezultat 2-1. Kampioni aktual kaloi në avantazh përmes penaltisë së shndërruar në gol nga Hosni Abd Rabou (23’), por që shpejt u baraspeshua pas golit të Manucho (26’). Nuk vonoi shumë dhe Egjipti sërish kalon në avantazh me golin e Amr Zaki, që doli të ishte vendimtar (38’).

Derisa Kameruni do të përballet me Ganën në ndeshjen tjetër gjysmëfinale, kampioni aktual, Egjipti, do të ketë përballë favoritin e këtij turneu, Bregun e Fildishtë.