Calderon: Askush në klub nuk është interesuar për Kaka

Calderon: Askush në klub nuk është interesuar për Kaka
Ramon Calderon ka treguar mënyrën se si Real Madrid funksionon para se të zgjedhë lojtarin me të cilin dëshiron të nënshkruajë dhe ka thënë se emri i Kaka kurrë nuk e ka tejkaluar procesin e pëlqimit nga klubi.

Presidenti i Real Madridit ka thënë se ai personalisht ka folur me Kaka, por që atëherë askush nga Bernabeu nuk ka pyetur nëse kalimi është i mundshëm. Kaka ishte një nga tri emrat që Calderon premtoi gjatë fushatës zgjedhore, së bashku me Cesc Fabregas dhe Arjne Robben.

“Për të nënshkruar me Real Madrid, emri duhet të kalojë nëpër tri filtra. Së pari trajneri bisedon me drejtorin sportiv. Së dyti, merret parasysh nëse lojtari do të përshtatet me filozofinë e klubit dhe e treta, kapitenët pyeten nëse lojtari mund të ndihmojë ekipin”, ka thënë Calderon.

“Përgjigja për Kaka është jo, sepse nuk e ka plotësuar as të parën në këtë listë. As Schuster as Mijatoviq nuk më kanë thënë asgjë për të. Ajo çfarë thash se kam folur me Kaka është e vërtetë dhe nuk mund të nënshkruajmë me të”, ka shtuar presidenti i kampionit të Spanjës.