Kaka: Ronaldo është i dyti pas Peles

Kaka: Ronaldo është i dyti pas Peles
Mesfushori i Milanit dhe fituesi i Topit të Artë, Leite Kaka, beson se bashkëlojtari i tij tek klubi italian, Ronaldo, është i dytë në listën e gjatë të futbollistëve më të mirë brazilian, dhe atë menjëherë pas Peles.

“Ronaldo është numër një. Në historinë e futbollistëve brazilian, vetëm Pele gjendet para tij”, ka deklaruar Kaka gjatë një interviste për ueb faqen e FIFAs.

Braziliani ka folur edhe për dëshirën për të mbrojtur titullin e Ligës së Kampionëve me Milanin. “Ne jemi kampionë botërorë të klubeve dhe deri në dhjetor askush nuk mund të na e merr këtë. Do të ishte mrekulli ta fitojmë edhe një titull të Ligës së Kampionëve dhe ta mbrojmë sërish këtë trofe”, ka përfunduar ai.