Reali shënon plot shtatë gola përballë Valladolid

Reali shënon plot shtatë gola përballë Valladolid
Real Madrid ka nxjerrë gjithë zemërimin e humbjes së javës e kaluar ndaj Almerias, duke e mposhtur Valladolidin me rezultat 7-0, në ndeshjen e sotme të luajtur në Bernabeu, ku Raul dhe Guti shënuan nga dy gola.

Serinë e golave te Realit e hapi braziliani Julio Baptista i cili shënoi pas vetëm 9 minutash lojë, pas një asistimi të Arjen Robben. 15 minutat e fundit të pjesës së parë sollën edhe katër gola të tjerë. Raul shënoi golin e dytë (31’), para se edhe Robben të shënojë golin e tretë të ndeshjes dhe të parin të tij me Realin (33’). Kapiteni shënoi edhe një gol tjetër përmes penaltisë (39’).

Guti çon kampionin e Spanjës në pushimin e pjesëve me epërsinë 5-0 në minutat e fundit të ndeshjes (44’), ndërsa në pjesën e dytë shënon edhe golin e dytë të tij (62’). Roysten Drenthe vulos fitoren e thellë në minutën e 80-të.

Me gjithë fitoren e thellë kjo nuk është rekordi për Realin. Në sezonin 1959/60, madrilenët kishin fituar ndaj Elche me rezultat 11-2. Me këtë fitore Real shton në tetë pikë diferencën ndaj Barcelonës, në maje të La Ligës Spanjolle, pasi që dje Barça barazoi 1-1 në fushë të Sevillas.