Chelsea dhe Liverpool barazojnë pa gola

Chelsea dhe Liverpool barazojnë pa gola
Chelsea dështoi të përfitojë nga humbja e mëhershme e Manchester United ndaj Manchester Cityt, duke barazuar pa gola ndaj Liverpoolit në Stamford Bridge.

Ndeshja ishte me shumë pak raste, që tregojnë edhe statistikat, ku secili klub ka pasur vetëm nga një gjuajtje të drejtuar drejtpërdrejtë në portë.

Pika e vetme e fituar lejon që ekipi i Avram Grant t’i afrohet në tre pikë United, ndërsa në pesë Arsenalit, që nesër do të ndeshet me Blackburnin. Ndërkohë Livepool po dështon të ngjitet në vendin që çon në Ligë të Kampionëve, ndërsa ka shënuar vetëm një fitore nga shtatë ndeshjet e fundit.