Maldini lavdëron lojën fer të anglezëve

Maldini lavdëron lojën fer të anglezëve
Kapiteni i Milanit, Paolo Maldini, është ndarë i kënaqur me barazimin që ekipi i tij nxori mbrëmë ndaj Arsenalit dhe ka falënderuar Anglinë për korrektësinë sportive dhe respektin.

Rosonerët bënë një paraqitje kryekëput defensive në ndeshjen e parë eliminuese të Ligës së Kampinëve në Emirates Stadium. Maldini, i cili ishte mjaft aktiv në ndeshjen e mbrëmshme, është ndarë i kënaqur me rezultatin dhe beson se Milan mund ta përsëris atë që bëri vitin e kaluar, kur eliminoi Manchester United në gjysmëfinale.

“Ne u kthyem me një rezultat të mirë. Në ndeshjen e kthimit pres një ndeshje të ngjashme me atë të vitit të kaluar kundër Manchester United dhe mund të sulmojmë kur kemi nevojë. Arsenal është ekip i ri me një grup të djelmoshave mjaft të mirë”, ka thënë 39-vjeçari.

“Për mua, gjithmonë është mirë të vij dhe të luaj në Angli, ku ka një kulturë të tillë sportive dhe respekt për kundërshtarin”, ka përfunduar kapiteni i Milanit.

Ndeshja e mbrëmshme ishte e 1001-ta paraqitje në futbollin profesional për italianin.