United rikthehet në krye, Liverpool humbet në çastet e fundit

United rikthehet në krye, Liverpool humbet në çastet e fundit
Dy gola të shënuar në pjesën e parë të ndeshjes nga Cristiano Ronaldo, i siguruan Manchester Unitedit një fitore të qetë prej 2-0 përballë Portsmouthit, fitore që e rikthen kampionin e Premierligës në maje të tabelës.

Golat e portugezit erdhën në 15 minutat e para të ndeshjes. Goli i pari arriti pas 10 minutash lojë, ndërsa pas edhe tre minutave tjera portugezi gjeti edhe njëherë portën, për të vulosur kështu rezultatin përfundimtar.

Me këto dy shënime, numri i golave të Ronaldos këtë sezon arrin në 19 në ligë dhe 27 në të gjitha garat. United dhe Arsenal, që të dy kanë nga 57 pikë, por Djajtë e Kuq kryesojnë tabelën për shkak të diferencës më të madhe të golave.

Chelsea ka shënuar fitore minimale prej 1-0 ndaj Reading me golin e Michael Ballack në minutën e 32-të të ndeshjes,për të ruajtur kështu hapin me kryesuesit. Liverpool ka zhgënjyer edhe një herë, pasi që humbi në minutën e fundit në fushë të West Ham, pas penaltisë së shndërruar në gol nga Mark Noble.

NiTRo